ROXAS CITY – Nagdangat sa 31 ka mga indibidwal ang nagkaladakpan sang kapulisan nga naglapas sa ordinance no. 082 of 2020 sa banwa sang Pilar subong nga adlaw.
Suno sa Pilar Municipal Police Station, ang mga nagkaladakpan ang wala nagasuksok sang face mask sa mga pampubliko nga lugar kag wala naga-obserbar sang physical social distancing.
Ang mga nadakpan ang ginhatagan sang warning kag may rekord na bilang first offender.
Apang sa ti-on nga liwat madakpan, mahimo ang mga ini magmulta sang P1,000 ukon ma preso sang isa tubtob tatlo ka adlaw.
P2,000 nga multa ukon tubtob napulo ka adlaw nga pagka bilanggo ang penalidad sa 3rd offense.
Ginpahayag man sang Pilar PNP nga kadam-an sa nagkaladakpan mga pamatan-on bangud nga masami ini sila nagatambay sa ila civic center kag diri nadakpan sang mga kapulisan.
