ROXAS CITY – Nag-angkon sang pilas sa nawala nga abaga kag liog ang isa ka 34-anyos nga persona matapos nga ginaalegar ginlabo sang iya abyan sa Barangay Agcococ, Tapaz, Capiz.
Ginkilala ang biktima nga si Sonny Boy Dela Cruz sang nasambit nga lugar.
Base sa inisyal nga imbestigasyon sang Tapaz Municipal Police Station nga magkaupod nga nagainom ang biktima kag suspek nga si Renante Caromay 36-anyos sang hinali na lamang nga nag-angkon sang indi pag-indiendihanay rason nga hinali na lamang nga ginlabo sang suspek ang biktima gamit ang binangon.
Bangud diri, nag-angkon sang mga kasamaran sa lawas ang biktima nga tuga sang pagpanglabo kag gilayon naman nga gindala sa Tapaz District Hospital apang ginrefer ini sa Bailan District Hospital kag padayon sa karon nga ginabulong.
Mahibaluan nga lunsay yara sa idalom sang impluwensya sang makahulubog nga ilimnon ang duha ka nasambit nga persona sang natabo ang insidente.
Gilayon naman nga nadakpan ang suspek matapos nga gin-aresto sang mga otoridad.
Sa karon, nakahunong na sa karsel sang Tapaz Municipal Police Station ang nasambit nga suspek.
