4 tripulante, nadakpan nga nagapatigayon sang iligal nga pagpangisda sa banwa sang Ivisan

Nadakpan sang mga katapo sang Bantay-Dagat ang apat tanan ka mga tripulante nga ginapahayag iligal nga nagapangisda nga wala sang nagakaigo nga permit sa kalalawran nga sakop sang Barangay Balaring, Ivisan, Capiz.

Ginkilala ang nagkaladakpan nga sanday alyas Jerry, captain boat, alyas Roel, alyas Andy, kag alyas Jong, lunsay yara sa legal nga pang-edaron kag residente sang Brgy. Culasi, Roxas City.

Narekober sa mga ini ang isa ka unit sang baroto nga may makina nga C240 diesel kag gamit sa pagpangisda nga nagabalor sa P15,000 kalakip ang mga nagkalain-lain nga mga isda.

Ginlapas sang mga ini ang ordinance no. 3 series of 2002.

Sa karon, yara na ang mga ini sa kustodiya sang Bantay-Dagat para sa nagakaigo nga disposisyon.