44-anyos nga lalaki arestado matapos nagpamahug kag nagpalupok sang armas

ROXAS CITY – Nakahunong karon sa karsel sang Mambusao Municipal Police Station ang 44 anyos nga lalaki matapos nagpamahug kag nagpalupok sang armas luthang sa Barangay Tumalalud, Mambusso, Capiz.

Ginkilala ang suspek kay Randy Llasus kag residente sang nasambit nga barangay.

Sandig sa inisyal nga imbestigasyon sang Mambusao PNP, may nahinabo nga pagbaisay sa tunga sang suspek kag biktima nga si Jeke Llasus, 27 anyos sang amo nga lugar.

Ginaalegar ginpahog ni Randy si Jeke kasunod ang pagpalupok sang armas luthang.

Narekober sa ginluntaran sang insidente ang isa ka empty shell sang .45 calibre nga armas luthang.

Natalana naman nga pasakaan sang nagakaigo nga kaso ang amo nga suspek.