Dakop sang mga kapulisan ang 58-anyos nga lalaki matapos ginserbihan sang warrant of arrest sa Barangay Poblacion, banwa sang Dumalag.
Ang wala na ginhingadlan nga akusado ang residente sang Barangay San Roque sa nasambit nga banwa.
Nagapangatubang sa kaso nga Reckless Imprudence Resulting to Serious Physical Injury and Damage to Property ang amo nga akusado.
Ang warrant of arrest ang gin-isyu kag ginpirmahan ni Hon. Rafael Orola Jr., Presiding Judge, 3rd Municipal Circuit Trial Court, Dao- Ivisan,Capiz nga napetsahan sadtong Abril 14, 2005.
Ginrekomendar naman sang korte ang piyansa nga kapin P10,000 para sa temporaryo sini nga kahilwayan.
Sa karon, yara na ang akusado sa paghinakop sang Dumalag MPS kag natalana nga i-turnover sa court of origin para sa nagakaigo nga disposisyon.
