61-anyos nga lalaki, arestado sa gin-implementar nga search warrant sang kapulisan sa banwa sang Pontevedra

PONTEVEDRA CAPIZ – Arestado ang isa ka lalaki matapos ang gin-impementar nga search warrant sa Barangay, Ilawod Pontevedra, Capiz.

Ginkilala ang arestado nga si alyas “Roy” 61-anyos kag residente sang nasambit nga lugar.

Base sa impormasyon nga nakuha sang Bombo Radyo nagikan sa Pontevedra Municipal Police Station, ginpahayag nga nakuha sa posisyon sini ang isa ka caliber .38 revolver kag tatlo ka live ammunition.

Dugang pa nga anay man nga drug surrendere sa ila banwa ang amo nga arestado. Samtang, magapangatubang naman ini sa kaso nga paglapas sa Republic Act 10591 ukon Comprehensive Firearms and Ammunition Regulation Act.

Sa karon, yara na ini sa kustodiya sang Pontevedra PNP para sa nagakaigo nga disposisyon.