– Dakop ang isa ka senior citizen matapos ginserbihan sang warrant of arrest sa Barangay Bolo Roxas, City.
Ang wala na ginhingadlan nga akusado ang residente sang nasambit nga lugar.
Sa impormasyon nga nakuha sang Bombo Radyo nagikan sa Roxas City Police Station, ginpahayag nga nagapangatubang sa kaso nga paglapas sa Republic Act 9287 ukon illegal gambling ang nasambitb nga akusado.
Ang warrant of arrest ang ginpapanaug kag ginpermahan ni Hon. Judge Esperanza Isabel E. Poco-Deslate, Presiding Judge, Regional Trial Court, 6th Judicial Region, Branch 19 Roxas City nga napetsahan sang Pebrero 19, 2025.
Samtang, ginrekomendar naman sang korte ang P10,000 nga piyansa para sa iya temporaryo nga kahilwayan.
Sa karon, nagapabilin sa kustodiya sang Roxas City Police Station ang akusado para sa nagakaigo nga disposisyon.
