69-anyos nga persona nasapwan nga wala na sang kabuhi sa iya balay

ROXAS CITY – Wala na sang kabuhi sang nasapwan ang isa ka 69-anyos nga persona sa ila balay sa Sitio Sinamungan, Barangay Bangongbangon, Sigma, Capiz.

Ginkilala ang biktima nga si Eduardo Santiago Matillano sang nasambit nga lugar.

Base sa inisyal nga imbestigasyon sang mga kapulisan nga nasapwan na lamang nga nagakulob kag wala na sang kabuhi ang nasambit nga persona.

Nahibaluan nga may yara sang ginasuprehir nga balatian sa korason si Matillano nga posible amo ang rason sang iya nga kamatayon.

Nagapati naman ang pamilya nga wala sang foulplay ang kamatayon sang ila nga himata.

Sa karon, yara na sa punerarya ang bangkay sang nasambit nga persona.