ROXAS CITY – Nagparekord sa Roxas City Police Station ang 72-anyos nga vendor matapos nga nabiktima sang peke nga kwarta sang ginbaklan sang duha ka mga babaye sang kakanin sa Teodoro Arcenas Trade Center (TATC).
Ginkilala ang biktima nga si Roxan Dela Cruz kag residente sang Barangay Bolo, Roxas City.
Ba-se sa ginpabalhag ni Dela Cruz nga may na-una nga babaye nga nagbakal sa iya sang kakanin gamit ang 500 peso bill kag iya man ini ginkambyuhan.
Makaligad ang pila ka minutos nagbalik ang isa ka babaye kag nagbakal man sang mga kakanin gamit naman ang 1000 peso bill.
Sa tion nga ginpatsekyar sang biktima ang kwarta, natukiban sini nga peke ang ginbayad sa iya nga 500 kag 1000 peso bills.
Bangud diri, ginpabalhag na lamang sang negosyante sa pulisya ang natabo.
Apisar nga indi sini kilala ang duha ka mga babaye nga nagbakal sa iya, suno sa negosyante nga mahitsuraan niya ini kun iya nga makaatubang.
