9 ka tuig nga bata, pilason sang aksidente nga nabungguan sang motorsiklo sa Brgy. Culasi, Roxas City

ROXAS CITY – Pilason ang 9 ka tuig nga bata matapos aksidente ini nga nabungguan sang motorsiklo sa Barangay, Culasi, Roxas City.

Sa interview sang Bombo Radyo sa driver sang motorsiklo nga si alyas Boy, 25-anyos, iya ginpahayag nga wala sini matalupangdan ang madasig nga pagtabok sang bata rason nga wala ini makapreno kag nabungguan ang amo nga bata.

Nag-angkon sang samad sa ulo kag tiil ang bata nga gilayon nga gindala sa ospital.

Suno kay alyas Boy nga indi sini hungod ang natabo kag handa ini nga magbulig sa mga galastusan sa pagpabulong sa bata nga iya nabungguan.