Ginpanginwala sang abogado sang ginapangita nga si anay Bamban Mayor Alice Guo nga nagbinutig ini sa ginhamtangan sang iya kliyente.
Sa isa ka statement, ginpahayag sang legal counsel ni Guo nga si Atty. Stephen David nga sa tanan nga iya mga interview sa media, consistent niya nga ginahambal nga nakadepende lamang siya sa mga ginshsmbsl sang iya nga kliyente.
apang gin-ako ni Atty. David nga indi niya makumpirma ang nasambit nga impormasyon kag wala sang ideya kun sa diin ang anay alkalde.
Nakadepende lamang suno sa iya sa representasyon kag disclosures sang iya kliyente, rason nga nagapati ini katapatan kag kamatuuran sang impormasyo nga ginahatag sa iya para depensahan kag protektahan ang mga kinamatarung sang iya nga kliyente.
Pag-eksplekar pa ni Atty. David nga sang ginhimu niya ang nasambit nga mga pahayag, wala sang travel records si Guo kasubong sang stamps sang pagsulod niya sa iban nga pungsod, fingerprints ukon CCTV footage, gani wala suno sang rason para pagdudahan niya ang pahayag ni Guo.
Ginhimu ni Atty. David ang nasambiot nga pagklaro matapos nga ihambal sang pila ka mga opisyal nga posible pasakaan siya sang kaso bangud sa iya mga nangin pahayag.
Matandaan man nga nauna na nga ginpahayag ni Justice Secretary Jesus Crispin Remulla nga ila paga-imbestigaran ang posibilidad nga may kaangtanan ang legal counsels ni Guo sa iya nga pagpalagyo pagguha sang pungsod.
