ROXAS CITY-Wala na sang plano nga magpasaka sang nagakaigo nga panumbungon ang iloy sang duha ka mga biktima batuk sa iya nga bana nga naglabo sa ila mga kabataan sa Barangay Sibariwan, Dumarao, Capiz.
Matandaan nga napatay ang biktima nga si Michael Sulleta samtang pilason naman ang magulang sini nga si Ricky Sulleta matapos ginpanglabo sang ila amay nga si Ricodeo Sulleta lunsay mga residente sang nasambit nga lugar.
Sa interview sang Bombo Radyo kay Police Lieutenant Bonifacio Galvez, Deputy Chief of Police sang Dumarao Police Station ginpahayag sini nga nagpirma sang affidavit of none interest ang iloy kag utod sang mga biktima.
Sandig sa imbestigasyon sang Dumarao Municipal Police Station nga nagainom ang mag-amay sa balay sang ila himata sang nangakat pauli ang ila amay.
Apang, nagpamalibad si Michael rason nga nagbinaisay sila sang iya amay rason nga ginlabo ini sang suspek sa ulo.
Bangud diri, gintambagan ni Ricky ang iya amay kag utod apang nalabo man ini sang suspek.
Gindala pa sa Dao District Hospital si Michael apang gindeklarar man ini nga dead on arrival.
