Ginkumpirma sang New York Police Department ang kamatayon sang 39-anyos nga American actress nga si Michelle Trachtenberg.
Nakit-an siya sang iya iloy nga wala na sang kabuhi sa sulod sang iya apartment sa amo nga state sa Estados Unidos sang Amerika.
Ginpahayag nga bag-o lang ini nakapaidalom sa liver transplant kag posible nga nag-eksperyensya sang complications.
Samtang, ginalantaw nga nagtaliwan ini bangud sa natural causes kag wala sang ginasuspetsahan nga foul play apang may patigayunon sa gihapon nga autopsy.
Mahibaluan nga nakilala siya bilang child star sadtong tuig 1990s kag 2000s lakip sa television series nga “The Adventure of Pete & Pete” kag ang film nga “Harriet the Spy.”
Nangin big break niya ang “Buffy the Vampire Slayer” bilang si Dawn Summers nga nag-ere halin sadtong 2000-2003.
Ang amo nga papel ang naghatag sa iya sang Teen Choice Award nomination for choice TV sidekick sang 2001.
Samtang, nakit-an man siya sa mga pelikula nga EuroTrip, Ice Princess, Killing Kennedy, kag Sister Cities.
