ROXAS CITY-Arestado ang pito ka mga indibidwal kalakip na ang anay barangay kapitan sang Barangay Barra, Roxas City sang nagligad nga Barangay kag SK election sa separado nga operasyon sang mga pulis, matapos naaktuhan nga nagasugal sa duha ka balay.
Kalakip sa mga naaktuhan nga nagasugal sang majong sanday Abel Olmedo 49-anyos, Rex Casimero 29-anyos, Carlito Martizano 70-anyos tag-iya sang balay kag ang anay barangay kapitan nga si Enriquito Martizano 73-anyos.
Nakuha sa balay ni Martizano ang 1 set sang majong , lamesa, pulungkuan kag ang bet money nga nagalab-ot sa P354.00
Samtang naaktuhan man sang mga pulis nga nagahampang sang tong-its sa isa ka balay sanday Julieta Torres, Vivian dela Cruz kag Elna Bucayan kag narecover ang baraha kag bet money nga P424.50
Magapangatubang sang paglapas sa PD 1602 ukon illegal gambling ang mga naaresto nga mga persona.
