Apat ka persona, arestado matapos nadakpan nga nagapatigayon sang iligal nga pasugal sa banwa sang Dao

ROXAS CITY- Dakop ang apat ka mga indibidwal kaupod ang menor de edad sa  ginpatigayon nga operasyon sang mga kapulisan sa Brgy. Duyoc, Dao, Capiz.

Ginkilala ang mga nagkaladakpan kay alyas alyas MakMak, alyas Mae, alyas Ana kag alyas Toto, nga lunsay mga residente sang nasambit nga banwa.

Sandig sa nakuha nga impormasyon nagikan sa Dao Municipal Police Station, ginapahayag nga naaabtan nila nga nagahampang kag naga-pinustaanay ang apat ka mga akusado gamit ang baraha sa ginahampang nila nga “Pusoy”.

Nakuha sa ila posisyon ang kwarta nga nagabalor sang P406.00 kag isa ka set sang card.

Sa karon, yara na sa kustodiya sang Dao Municipal Police Station ang tatlo ka nagkaladakpan para sa nagakaigo nga disposisyon.