Apat ka top most wanted person municipal level, gin-aresto sa banwa sang Ivisan

ROXAS CITY – Arestado ang apat tanan ka mga most wanted person municipal level sa banwa sang Ivisan.

Ginkilala ang mga akusado nga sanday Oliver Delos Santos, sang Brgy. Agmalobo, sa amu nga banwa, may kaso nga Rape.

Samtang kaso naman nga murder ang ginapangatubang sang tatlo ka iban pa nga most wanted person nga sanday Ronald Sarmiento, Niño Sargento kag Ariel Onisco, nga lunsay residente sang nasambit nga banwa.

Wala sang ginrekomendar nga piyansa para sa temporaryo nga kahilwayan sang mga akusado.

Sa karon, nagapabilin ang mga ini sa kustodiya sang Ivisan MPS para sa nagakaigo nga disposisyon.