Arestado ang 45-anyos nga lalaki sa ginkasa nga buybust operation sang Criminal Investigation and Detection Group (CIDG)-CAPIZ sa Sitio Tulay, Barangay Cagay, sining syudad.
Ginkilala ang nadakpan kay alyas “Dindo”, 45-anyos kag residente sang Brgy. Banica, Roxas City.
Sa interview sang Bombo Radyo kay Barangay Kagawad Isidro Aragon sang Brgy. Cagay, ginpahayag sini nga natigayon nga madakpan ang subject person matapos ang ginkasa nga entrapment operation.
Dugang pa sini, ang nasambit nga persona ang indi residente sang amo nga barangay.
Mahibaluan nga nakuha sa paghinakop ni Dindo ang isa ka unit sang kalibre 45 nga armas-luthang, magazine kag kwarta nga kapin P30,000.00 nga buybust money.
Sa karon, yara na ini sa kustodiya sang mga otoridad para sa nagakaigo nga disposisyon.
