Dakop ang isa ka babaye matapos nakuhaan sang kapin P2-million nga balor sang droga sa ginpatigayon nga drug buy bust operation sang PDEU sa Barangay Balijuagan, Roxas City.
Ginkilala ang nadakpan kay alyas “Jes”,38-anyos kag residente sang Barangay Poblacion Norte, banwa sang Ivisan.
Sa impormasyon nga nakuha sang Bombo Radyo sa Roxas Component City Police Station, ginpahayag nga nabaklan ining si alyas “Jes” sang nagpakuno-kuno nga poseur-buyer sang isa ka sachet nga suspected shabu nga may standard drug price nga P20, 000,
Dugang pa nga nakuha sa amo nga suspetsado ang P100 nga buy bust money kag P19,900 nga counterfeited buy bust money sa nagkalainlain nga denominasyon.
Samtang, narekober pa sa paghinakop ni alyas “Jes” ang 51 tanan ka sachets sang droga nga nagdangat sa mas ukon menus 250 gramos nga may standard drug price nga Php1, 700,000.
Sa karon yara na ini sa paghinakop sang Roxas City Police Station para sa nagakaigo nga disposisyon.
