CAGAYAN DE ORO CITY- Nasapwan ang dimos sang dugo kag wala na sang kabuhi nga lawas sang isa ka 37-anyos nga babaye nga BPO worker sa isa ka bakante nga lote sa Barangay Indahag, Cagayan de Oro City sang Sabado. Ang biktima, nga nagatrabaho sa isa ka Business Process Outsourcing (BPO) company, nag-angkon sang 12 ka mga buno sa liog.
Ang mister sang biktima ang una nga nag-abot sa ginluntaran sang krimen kag nagpakita sang tuman nga kasubo sang makita ang bangkay sang iya nga asawa. Apang, suno sa mga awtoridad, nag-ako ini siya sa atubang sang iya nga abogado nga siya ang nagpatay sa iya nga misis.
Suno sa suspek, may mainit nga komosyon nga nagluntad sa tunga nila nga mag-asawa samtang padulong sila sa city proper sang Biyernes sang gab-i. Ginsiling sang suspek nga ang rason sang ila nga away amo ang isa ka isyu natuhoy sa mga “sensitive videos” nga ginakaulamiran sang biktima.
Ginahibalo man sang mga kapulisan ang posibilidad nga may kaangtanan ang nasambit nga kaso sa paggamit sang ilegal nga droga sang suspek.
Sa subong, natalana siya nga pasakaan sang kaso nga parricide, ukon pagpatay sa kaugalingon nga asawa.
