Ginpangunahan ni Governor Fredenil H. Castro ang ginpatigayon nga blessing kag presentasyon sang Bagong Pilipinas Mobile Diagnostic Clinic nga nag-abot na sa probinsya subong nga adlaw, Agusto 16, sa Kapitolyo Probinsyal.
Matandaan nga gin turn-over ini sang tinalikdan nga Agosto 6, nga kun sa diin ini ang gikan sa administrayon ni Presidente Marcos nga personal nga ginbaton kag nagpadulong sa Kapitolyo Probinsyal sang Cebu sanday Provincial Administrator, Atty. Arthur John Biñas kag Provincial Health Officer, Dr. Ramon Alex Nolasco.
Ang Mobile Diagnostic Clinic, ang nagatuyo nga makahatag sang laboratory exam kag pila ka mga nagapanguna nga serbisyo medical sa probinsya.
Ginakabig ini nga isa sa daku nga bulig para sa ikaayong lawas sang mga Capiznon, ilabi na ang mga nagaistar sa mga malayo nga mga kabaranggayan sa probinsya.
Ginalauman man nga ang amo nga Mobile Clinic ang magapadulong sa pila ka mga ka-baranggayan sa Capiz agud maghatag sang serbisyo medikal sa mga pumuluyo.
