ROXAS CITY-Malas nga wala maluwas sa katalagman ang isa ka hulot matapos gintupok sang kalayo sa Barangay Bolo, Roxas City.
Sandig sa imbestigasyon nga nakuha sang Bombo Radyo News Team nga ang nasunog nga hulot ang ginapanag-iyahan ni Mr. Recarido Agrasada Jr. residente sang nasambit nga lugar.
Sa dugang nga pagpangusisa sang News Team, ginapatihan nga ginsidihan sang mister ang isa ka kandila kag ginbutang sa idalum sang kama kun sa diin madasig nga ginkaon sang kalayo ang hulot.
Mahibaluan nga may diperensiya sa paminsaron si Agrasada.
Ginapatihan nga bangud sa pagsikway sang kaugalingon nga pamilya ang nagtulod sa mister nga sunugon ang nasambit nga hulot.//
Samtang partially burned naman ang balay sang iya sini nga asawa nga si Helen Clavaton Agrasada nga separado na nagapuyo sa iban nga panimalay.
Nagdugay sang kapin 45 tubtob
50 minutos ang pagpalong sang mga katapo sang BFP antes nadula ang kalayo.
