ROXAS CITY-Padayon ang imbestigasyon sang mga katapo sang Roxas City Police Station sa ginaalegar pagpangawat sa balay sang isa ka negosyante sa Sitio Cabral, Barangay Dayao, Roxas City.
Ginkilala ang biktima nga si Frovil Comparacion, 52-anyos sang nasambit nga lugar.
Sandig sa imbestigasyon sang mga kapulisan nga nadiskubrehan na lamang sang biktima nga yara na sa salog ang iya short kun sa diin nasulod ang iya kwarta.
Nadiskubrehan na lamang sang biktima nga gintaban na sang wala matumod nga kawatan ang P28,600 nga kuwarta.
Kalakip sa mga gintaban ang duha ka cellphone nga nagabalor sang P32,000 kag kulintas nga nagabili sang P15,000.
Ginabulubanta nga P54,100 ang kabug-osan nga balor sang gintaban nga kawatan.
Ginapatihan nga posible wala ma-lock sang biktima ang iya balay bangud wala sang may nakit-an nga force of entry sa balay ang mga kapulisan.
