ROXAS CITY – Ginlubong na sa ginatawag nga‘’Dolphin’s Ground’’ sa banwa sang Ivisan, Capiz ang nasapwan nga patay nga balyena sang tatlo ka mga mangingisda sa Sitio Dinugmaan, Barangay Basiao, IVisan, Capiz.
Suno kay Mayor Felipe Neri Yap sang nasambit nga banwa, ginlubong sa Dolphins ground ang fin whale, bangud nagaserbe ini nga lulubngan sang nasapwan nga mga dolphin, pawikan kag iban pa nga sapat nga gikan sa dagat nga napatay.
Ginabulubanta nagalaba sang 4 meters kag nagabug-at sang 500 kilos ang babaye nga fin whale nga ginasiling yara pa lamang sa tatlo tobtob apat ka bulan ang edad.
Samtang nagapati si Mayor Yap nga wala sang kahilabtanan ang mga residente sa nakita nga mga pilas sa balyena bangud nahibaluan sang mga ini nga isa ka endangered species ang fin whale.
