ROXAS CITY, CAPIZ – Nakit-an na ang bangkay sang isa ka lalaki nga miyembro sang Roxas City Emergency Response Team nga nahulog sa tulay matapos nga madisgrasya sa Barangay Tiza Roxas City.
Matandaan nga ginkilala ang amo nga biktima kay alyas “Dandan” 56-anyos kag residente sang Barangay Punta Tabuc Roxas City.
Basi sa nauna nga report, takna alas 7:00 sang gab-i nahulog ang biktima sa tulay sa Barangay Tiza sini nga syudad.
Madasig ini nga ginrespondehan sang mga otoridad kag gilayon nga nagpatigayon sang search and rescue operation apang wala ini matigayon nga marescue bangud sa madalon nga lebel sang tubig kag madulom.
Naglab-ot sa lima tubtob ano ka oras ang pagpatigayon sang search and rescue operation sang mga otoridad antes ini temporaryo nga ginpauntat kag ginpadayon pagka-aga.
Natigayon nga nakit-an pagka-aga ang lawas sang amo nga lalaki nga nagakulob sa idalom sang tubig nga wala na sang kabuhi.
