ROXAS CITY – Yara sa impluwensya sang makahulubog nga ilimnon ang bantay sang fish cage nga nasapwan-patay sa Barangay Dayao, Roxas City.
Ang biktima amo si Olfran Dela Cruz Jr., 32- anyos kag pumuluyo sang purok 1, Barangay Libas, Roxas City.
Sa interview sang Bombo Radyo kay Punong Barangay Wenie Batuampo, iya ginpahayag nga sang gab-I, may yara sang inom-inom kaupod ang iya sini nga mga abyan rason nga magpuli ini nga hubog.
Suno kay Punong Barangay Batuampo, posible nga may nagluntad nga pag-binaisay sa tunga sang biktima sa iya sini nga asawa rason sang iya pagsunggod kag paglumpat sa amo nga fish cage.
Pahayag pa niya, ginpangita pa ang biktima apang adlaw na sang nasapwan ini nga isa na ka bangkay.
Dugang pa sang natungdan, wala man sang foul kag ginalantaw pa ang rason sang pagkamatay sang nasambit nga biktima.
