PRESIDENT ROXAS, CAPIZ- Negatibo sa mga major damages ang banwa sang President Roxas, Capiz, matapos ang nga pag-ulan kag lapnagon nga pagbaha nga dala sang Bagyo Ramil sa probinsya sang Oktubre 18, 2025.
Sa interview sang Bombo Radyo kay Mayor Receliste Escolin sang President Roxas, Capiz, iya ginpahayag nga may yara sang mas ukon menos 10, 553 ka mga indibidwal ang naapektuhan sang malain nga tyempo sa ila nga banwa.
Suno kay Escolin, natigayon naman nga nakabalik ang tanan nga mga evacuees sa tagsa nila ka mga puluy-an matapos sang malain nga panyempo.
Pahayag nya, may yara lang sang mga minor damages ang pila ka mga puluy-an sa ila nga banwa sa diin suno sa iya, madasig lang man nga nakay-o.
Nahibaluan nga nakapanghatag naman sang gamay nga bulig ang municipal government sa mga apektado kag sa gihapon nagahulat sang dugang pagid nga bulig.
Nagpahanumdom naman ang alkalde sa tanan nga mga pumuluyo nga iya nasakupan nga sa gihapon magpabilin nga aligmat kag alerto bangud nga ang kalamidad indi mapaktan kag agud nga makalikaw sa kun ano man nga sahi sang insidente ang posible nga magluntad.
Interviewed by Bombo Francis Biñas
