Barangay Hipona, Pontevedra Capiz gintumod nga Critical Zone sa COVID-19 kadungan sa pagpaidalom sini sa Enhanced Community Quarantine (ECQ)

ROXAS CITY-Nagpapanaog sang Executive Order ang alkalde sang banwa sang Pontevedra agud i-deklarar ang Barangay Hipona nga isa ka Critical Zone kadungan sang pagpaidalom sini sa Enhanced Community Quarantine ukon ECQ.//

Sandig sa ginpaguwa nga Executive Order ni Pontevedra Mayor Esteban Dodoy Evan Contreras nga epektibo ang amo nga executive order kahapon nga adlaw.

Kabahin ini nga tikang agud mas mapadasig kag mas mangin epektibo ang ginapatigayon nga contact tracing agud malikawan ang paglapta sang COVID-19 sa amo nga barangay.

Ang nasambit nga tikang ang kasunod sang pagpositibo sa COVID-19 sang 9 tanan ka mga indibidwal nga may yara sang close contact sa nauna na nga nagpositibo sa amo nga balatian.