ROXAS CITY – Ginklaro sang municipal fire marshal sang Bureau of Fire Protection (BFP – Pontevedra) ang rason kun nga’a wala nakaresponde sa nagluntad nga sunog sa Barangay Ilaya banwa sang Pontevedra ang ila nga firetruck.
Sa interview sang Bombo Radyo kay SFO3 Climax Pimentel, suno diri Hulyo 2 sang nagpatigayon sila sang flushing sa public market sang natukiban na lang nga may yara sang deperensya sa amu nga salakyan kag gin-untat ang operasyon agud malikawan ang dako nga aberya.
Bangud undermaintenance pa ini sang nagluntad ang insidente wala sila nagpabaya sa pagresponde kag gilayon nga nagpanawag sang bulig sa iban pa nga mga stations agud mapalong ang sunog.
Apisar unserviceable ang firetruck, nagresponde man sa gihapon ang mga katapo sang BFP-Pontevedra kaupod ang mga kalapit nga mga stations kaangay sang BFP-President Roxas, BFP-Maayon, BFP-Panay kag BFP-Panitan.
