Liwat naman nga ginpamatud-an sang madamo nga mga Filipino ang baganihan spirit pinaagi sa pagpakigbahin sa isa naman ka madinalag-on nga Dugong Bombo 2019 sang Bombo Radyo Philippines.
Ginsabat sang aton mga blood donors ang panawagan sang mga Bombo Radyo kag Star FM stations nationwide sa pagkinahanglan sang dugo sa sini nga panahon nga kulang ang suplay.
Kabahin ini sang handom ni Dr. Rogelio M. Florete, ang Chairman of the Board sang Bombo Radyo Philippines, nga mapukaw ang ‘spirit of volunteerism’ sa aton nga mga kasimanwa agud makabulig nga makasugpon sa kabuhi sang mga nagakinahanglan.
Pila ka mga lugar sa pungsod ang wala napunggan sang malain nga lakat sang panahon, malawig nga biyahe, malawig nga pila kag kahadlok sa mga aftershocks sa pila ka porsyon sang Mindanao para lamang maghatag sang donasyon sa ila nga dugo.
Ang tuigan nga Dugong Bombo 2019 ang liwat nga ginpatigayon sang dululungan sa 24 key cities nationwide nga may yara sang estasyon sang Bombo Radyo kag Star FM.
Naglab-ot sa kabug-usan nga 9, 190 ka mga indibidwal ukon blood donors ang boluntaryo nga nagpakigbahin sa pinakamaduguon nga blood-letting activity kaupod ang Philippine Red Cross.
Ang donasyon nga dugo nga natipon sa nasambit nga proyekto ang igapain para sa mga biktima sang dengue, kidney failures, biktima sang nagkalain-lain nga kalamidad kag mangin sa emergency blood transfusion kag procedures sa mga ospital.
Mahibaluan nga ang ginbansagan ‘ber’ months ang ginakabig nga kulang ang blood donations.
Naglab-ot sa kabug-usan nga 9, 190 ka mga successful blood donors ang boluntaryo nga naghatag sang ila nga mga dugo para sa Dugong Bombo blood-letting project.
Ang nasambit nga numero sang mga successful blood donors ang nakatipon sang kabug-usan nga 4,135,500 million CC sang dugo.
Ang 4, 135, 500 million CC ang nagalab-ot sa 4, 135.50 LITERS sang dugo ukon nagalab-ot sa 1, 092.48 GALLONS (4 liters per gallon) ukon kabug-usan nga 19.86 ukon 20 DRUMS sang dugo nga natipon kun sa diin ang isa ka standard drum ang may yara sang 200 liters.
Apang ang nasambit nga datos ang indi pa sang pinal bangud ang Bombo Radyo Cauayan ang temporaryo anay nga ginpaiway ang Dugong Bombo sini nga adlaw sang Sabado kag patigayunon ini sa masunod nga semana bangud man sa bagyo nga Ramon kun sa diin ang mga venues ang gingamit bilang evacuation centers.
Sa liwat, ang amon tuman nga pagpasalamat sa mga successful blood donors, nagasaludo kami sa inyo pagkabaganihan!
Madamo pa nga mga blood donors ang nagpakigbahin apang wala nakapasar sa pre-screening requirements bangud sang blood pressure, anemia, alcohol intake, tattoo ukon iban pa nga mga rason.
Sa pihak sini, ginakabig sa gihapon namon kamo nga mga baganihan bangud sa inyo himpit nga katuyuan nga mag-volunteer.
Liwat man namon nga ginapasalamatan ang tanan nga nagabug-os sang Philippine Red Cross nationwide, Department of Health (DOH), mga volunteers, partners, madamo pa nga mga grupo, mga tagdumalahan sang mga venue, mga donors sang snacks.
Ang Dugong Bombo ang isa lamang sa madamo nga mga proyekto sang Bombo Radyo Philippines nga may corporate social-cultural responsibility.
Ang iban pa sa mga ini amo ang tuigan nga Bombo Medico, yara man ang Bombo Music Festival nga may katuyuan man nga makilala ang talento sang mga Pinoy.
Dugong Bombo 2019… A Little Pain… A Life to Gain… Basta Radyo… Bombo!
