ROXAS CITY – Ginkompirmar ni Roxas City Mayor Ronnie Dadivas nga ginpaidalom sa “lockdown” ang Sitio Sakop, Barangay Culasi kasunod sang pagpositibo sa Coronavirus Disease ukon COVID-19 sang tatlo ka mga residente sa nasambit nga sitio sa sulod sang 14 adlaw.
Ini ang ginpahayag ni Dadivas sa ginpatigayon nga press conference sang siyudad.
Ginpahayag ni Dadivas nga may yara sang ginpahamtang nga mga border security checkpoint ang mga otoridad agud masiguro nga wala sang may makasulod kag makaguha sa lugar.
Ginmanduan man sini ang mga kapulisan nga dakpon ang mga indibidwal nga wala nagapati sa ginapatuman nga mga pagsulundan.
Ginpasalig man sang alkalde nga may yara sang mga foodpacks kag vitamins nga ipanagtag sang siyudad sa mga apektado nga mga residente.
Preparado man ang siyudad pananglitan nga magdugay ang lockdown sa nasambit nga lugar.
