Napauli sang Athletics Women overall champion nga criminology student sang Capsu Dayao ang 5 tanan ka bulawan nga medalya kag 1 ka silver medal sa ginhiwat nga 2024 Regional State Colleges and Universities Athletic Association (RSCUAA) meet sa Iloilo State University of Fisheries Science and Technology (ISUFST).
Sa nangin interview sang Bombo Radyo kay Meishein Lucero, Overall Champion sa Athletics Women ginpahayag nga bata pa lamang ini, pagdalagan na ang iya hilig kag grade 3 pa lamang sang nagsugod sa pagpasakop sa kasubong nga hinampang.
Dako naman nga factor para sa iya ang suporta sang iya pamilya , mga abyan kag coach sa iya journey bilang atleta.
Apisar nga mabudlay para sa iya bilang atleta nga idungan ang iya pagtuon kag training nahihimo niya sa gihapon ini pinaagi sa time management kag pagsalig lang sa kaugalingon .
Pahayag pa sini nga isa ka bagay nga masami ginapamatian amo ang bilin sang iya pamilya nga sa pihak sang iya ka busy indi pagkalimtan ang pagtuon.
Samtang, dugang pa ni Lucero nga kun mahatagan man ini sang kahigayunan nga makahampang sang iban nga hampang ang pagdalagan sa gihapon ang iya pilion bangud nakatatak na kag ginpalangga na sini ang amo nga patag.
