ROXAS CITY – Ginkadismaya sang Capiz Environmental Protection Alliance (CEPA) kag Madia-as Ecological Movement – Capiz ang pagbasura sang Commission on Appointment (CA) sa appointment ni Gina Lopez bilang Department of Environment and Natural Resources Secretary.
Suno kay Atty. Cris Heredia, nadulaan sang maisof kag maayo nga opisyal ang gobyerno nga nagaprotehir sa palibot batuk sa commercial mining.
Gin-athag man ni Heredia nga wala nagapamatuk ang CEPA kag Madia-as sa pagmina, apang sa klase sang pagmina nga indi lamang dapat mangin environmentally responsible ang mga mining firm kundi dapat buligan man sini ang ekonomiya sang Pilipinas.
Ginhimo man nga halimbawa ni Heredia ang nakita nga rekord sang grupo nga epekto sang commercial mining sa diin kadam-an sa mga mining firms ang basta na lamang nga ginabilin ang lugar matapos makuha ang ila nga ginapangita.
