ROXAS CITY – Kritikal sa karon sa ospital ang 12-anyo nga dalagita matapos lab-on sang pakaisa nga nagtuyo maghimulos sa iya sa isa ka banwa sa probinsiya sang Capiz.
Nag-angkon sang multiple hack wounds sa ulo, kamot, tuhod kag iban nga bahin sang lawas si alyas Nene matapos nagbato sang lab-on ni alyas Toto.
Natabo ang insedente sang madusmo ang suspek kag makita ang pakaisa nga naka-shorts.
Nakabatyag sang init sang lawas si alyas Toto gani iya ginsundan ang biktima kag pwersahan nga gindala sa kabutungan.
Apang wala nadayon ang malain nga tuyo sang suspek bangud nagbato ang biktima.
Bangud nataranta sa pagsinggit kag pagpangayo sang bulig ni alyas Nene gilayon nga ginkuha ni alyas Toto ang dala nga binangon kag ginlabo ang biktima.
Ginbayaan lamang sini ang duguon nga biktima sa pagpati nga patay na ini.
