Department of Agriculture, ginapreparahan ang pagbalik sang importasyon sang bugas

Ginapreparahan na sang Department of Agriculture (DA) ang pagbalik sang rice importation.

Ini bangud nagahingapos na ang rice import ban nga nagsugod sadtong Setyembre kag natapos sang nagligad nga tuig.

Suno kay DA Assistant Secretary Arnel de Mesa, nakalab-ot na sila sang kasugtanan sa mga rice importers nga limitahan ang importasyon sa 300,000 metric tons sang bugas tubtob sa Pebrero.

Agud masabat ang problema sa port congestion sa Manila, pahanugutan nga mag-agi ang rice imports sa pila ka mga puerto kaangay sang Bataan kag Poro Point sa La Union.

Ginalauman man nga maga-abot ang rice imports sa Pebrero 28, nga indi makaapekto sa harvest season.