SAPIAN, CAPIZ – Patay ang 22-anyos nga lalaki matapos aksidente nga nasangit ang liog sa naglaylay nga kable sang telecommunications company sa Sitio Angkin, Barangay Poblacion, Sapian, Capiz.
Gindeklara nga dead on arrival sa ospital ang biktima nga si John Paul Torreon sang Barangay Maninang, Sapian.
Ba-se sa imbestigasyon sang Sapian Municipal Police Station magapadulong kuntani ang biktima sa Barangay Poblacion sakay sa motorsiklo sang aksidente nga nasangit ang liog sa naglaylay nga wiring sang isa ka telecommunications company sang nagahilay nga poste.
Ginaalegar nga madasig ang pagpadalagan sang biktima sang motorsiklo nga nagdiretso, apang siya ang dimalas nga nasangit sa wiring.
Nag-angkon sang pilas sa liog si Torreon kag DOA sang nag-abot sa ospital.
Sa karon yara sa isa ka punerarya ang bangkay sang biktima.
