Naglab-ot sa 500 ka mga biktima sang “war on drugs” ni Fomer President Rodrigo Duterte ang naghingyo nga magparehistro sa International Criminal Court (ICC).
Suno sa apat ka pahina nga dokumento nga ginpagwa sang ICC Registry, nakabaton sang dugang nga mga aplikante ang ICC Pre-Trial Chamber 1.
Napasa na nila sa Chamber 227 ang mga aplikasyon sang mga 500 ka mga biktima.
Sang Enero 28, 2026, ginmanduan sang Kamara ang Victim Participation and Reparations Section sang Registry nga isumitini tubtob Pebrero 9.
Matandaan nga sang Pebrero 10, ginmanduan sang Chamber ang depensa kag prosekusyon nga mag-file sang updated list of evidence nga ipasa tubtob subong nga adlaw.
Nahibaluan, nga una na nga narekord sang gobyerno ang 6,200 ka mga drug suspects ang napatay sa termino ni Duterte bilang presidente bangud sang iya anti-drug war.
Apang kabaliskaran ini sa listahan sang Human rights organization nga may masobra 30,000 ka casualties.
Samtang, natalana sa Pebrero 23 tubtob 27 ang confirmation of charges hearings ni Former President Rodrigo Duterte.
