Dakop ang duha ka mga manugpangisda nga nagapatigayon sang illegal nga pagpangisda nga ginatawag TRAWL sa Barangay Pawa, Panay, Capiz.
Sa impormasyon nga nagikan sa Panay Municipal Police Station, ginkilala ang mga nagkaladakpan nga sanday alyas Noel, 38-anyos kag si alyas Ronald, 45-anyos lunsay mga residente sa Brgy. Casanayan, Pilar, Capiz.
Nakuha sa paghinakop nanday alyas Noel kag alyas Ronald ang isa ka unit nga pump boat nga nagabalor P100,000, isa ka unit sang engine nga nagabalor sang P30,000 fishing net with complete accesories nga naga balor sang P100,00 kag walo (8) ka kilo sang nanari-sari nga mga isda nga nagabalor naman sang P1,200 kag iban pa nga fishing paraphernalia.
Sa karon, nagapabilin ang mga ini sa paghinakop sang Panay PNP kag natalana nga i-turn over sa MENRO-LGU Panay para sa nagakaigo nga disposisyon.
