Elementary pupil yara na sa hilway nga kondisyon matapos aksidente nga na-sideswipe sang isa ka motorsiklo sa Brgy. Banica, R.C.

ROXAS CITY – Yara na sa hilway nga kondisyon ang isa ka elementary student matapos nga aksidente na-sideswipe sang isa ka motorsiklo sa Banica Elementary School, Barangay Banica, Roxas City.

Base sa inisyal nga imbestigasyon sang Roxas City PNP nga magatabuk kuntani ang wala na ginhingadlan nga estudyante sang hinali na lamang ini ginbungguan sang wala matumod nga driver sang motorsiklo.

Bangud diri, nag-angkon sang pilas sa tiil kag butkon ang biktima nga gilayon naman gindapatan sang nagakaigo nga pagbulong.

Samtang, padayon naman ang imbestigasyon sang mga kapulisan agud matumod ang driver nga responsable sa insidente matapos nga nakita man sa CCTV footage.