Arestado ang isa ka empleyado sang Tapaz Local Government Unit sa ginpatigayon nga drug buy-bust operation sa Barangay Daan Banwa, Tapaz, Capiz.
Ang arestado amo si Alyas “Kuné,” residente sang amo man nga lugar.
Sa interview sang Bombo Radyo kay Police Major Greg Anthony Salbang, Officer in Charge sang Tapaz Municipal Police Station, iya ginpahayag nga nabaklan sang isa ka sachet sang suspected shabu ang subject person sa balor nga Php 1,000 bilang parte sang operasyon.
Suno kay Salbang, sang gin-rikisa ini, nakuha sa paghinakop sa arestado ang duha ka sachets sang illegal nga druga nga ginabanta may kabug-aton nga 10 grams kag may standard drug price nga Php 68,000.00.
Sa subong, preso na sa Tapaz Municipal Police Station ang subject person kag magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002.
