ROXAS CITY – Posible magapatigayon sang limited face-to-face graduation ang mga eskwelahan nga nagpartisipar sa face-to-face classes sa katapusan sa bulan sang Hunyo ukon nauna nga semana sang Hulyo.
Ini ang ginkumpirmar ni Dr. Feliciano Buenafe Jr., Department of Education (DepEd) City Division Superintendent sang mainterview sang Bombo Radyo.
Suno diri, mahimo nga makapatigayon sang limited face-to-face graduation ang mga lugar nga nakapaidalum sa Alert Level 1, apang para lamang ini sa mga nag-implementar kun sa din 24 ka mga eskwelahan ang madinalag-on nga nagpasakup sa progressive face-to-face classes.
Dugang pa ni Buenafe, may mga ginrekomendar na ini nga mga dugang nga numero sang buluthuan para sa face-to-face classes apang wala pa naaprubahan sang regional office.Mahibaluan, nga masora 4,000 ang nagpartisipar sa face-to-face sa syudad sang Roxas. Ginpahayag man sini nga pagatingunahan sang ila talapatan nga 100% na nga maga-balik ang tanan nga mga eskwelahan sa school year 2022-2023.
