Maga-atubang subong nga adlaw ang Filipina tennis star nga si Alex Eala sa Russian nga si Alina Charaeva sa Round of 32 sang Philippine Women’s Open nga ginapatigayon sa Rizal Memorial Tennis Center.
Si Eala ang No. 2 seed subong sa makasaysayang WTA 125 tournament nga ginhiwat sa pungsod.
Tuyo ni Eala nga mabawi ini batok kay Charaeva, nga nagpierde sa iya anum ka tuig na ang nakaligad.
Sang 2020, ginlutos ni Charaeva si Eala sa isa ka ITF tournament sa Spain nga may score nga 3-6, 3-6.
Apang, madamo na ang nagbag-o sugod sadto. Ang Filipina ace yara na sa top 49 sang WTA rankings kag may isa na ka titulo sa WTA, magluwas sa pila ka mga partisipasyon sa main draw sang Grand Slam tournaments.
Ang magadaug sa hampang nanday Eala kag Charaeva ang maga-atubang sa magadaog sa tunga sang Japanese nga sanday Nao Hibino kag Himeno Sakatsume.
Samtang ang top seed nga si Tatjana Maria sang Germany ang maga-atubang kay Leolia Jeanjean sang France.
