MAMBUSAO, CAPIZ – Arestado ang ginakabig Street Level Individual sa ginkasa nga drug buybust operation sang mga kapulisan sa Brgy. Tugas, Mambusao, Capiz.
Sa impormasyon nga nakuha sang Bombo Radyo nagikan sa Mambusao Municipal Police Station, ginkilala ang arestado kay Nelmar Inocencio, 37-anyos, isa ka Fish Dealer nga residente sang nasambit nga lugar.
Natigayon nga naaresto si Inocencio matapos nabaklan sang isa (1) ka sachet sang ginapatihan shabu sa baylo sang P1,500 sang isa ka pulis nga nagpakuno-kuno poseur buyer.
Narekober sa posisyon sini ang pito (7) tanan ka sachet sang ginapatihan shabu nga may standard drug price nga P9,000 kag P1,500 buybust money, P1,300 boddle money kag 200 genuine money.
Magapangatubang ang suspetsado sa kaso nga paglapas sa Republic Act 9165 ukon Comprehensive Dangerous Drugs Act of 2002.
Sa karon nagapabilin ini sa karsel sang Mambusao Municipal Police Station para sa nagakaigo nga disposisyon.
