Ang panawagan sang mga pumuluyo ang nagtulod kay anay gobernador Esteban Evan Nonoy Contreras nga liwat magapapili sa pagka gobernador matapos malutos ni Gov. Fredenil Castro.
Sa interview sang Bombo Radyo kay Contreras sa paglibot sini sa mga kabarangayan nga ginapaabot sang mga pumuluyo nga nabudlayan ang mga ini sa pagdumala sang administrasyon ni Castro, kag gina-engganyo nga magpadalagan kag magbalik sa kapitolyo.
Suno pa diri nga may mga nagahambal man nga sa bise gobernador ini magfile sang coc kay sigurado na nga magadaog, apang nanindugan ini nasambit nga posisyon.
Ginklaro man sini nga wala ini sang partido nga gin updan kag ang mga pumuluyo sang probinsya ang iya partido kag wala sang ginasuporahan nga kongressman.
Ginabuksan naman ni Contreras ang mga posibilidad nga mag apinay sila sang mga nagapapili nga alkalde sa mga kabanwahanan kay mahaba pa ang tiyempo bag o mag eleksyun.
Samtang, indi na mag-isol si Contreras sa iya pagpadalagan sa pagka-gobernador apisar pa may mga mag-offer sa iya nga mag-withdraw.
Gin-ako man sini nga mabudlay si Castro nga ka enkwentro apang nagapati ini nga pagabuligan ini sang mga pumuluyo.
