-- ADVERTISEMENT --
ROXAS CITY – Personal nga nagsungka sa mga otoridad ang ginapahayag anay miyembro sang Communist Terrorist Group (CTG) sa banwa sang Maayon.
Ang indi na paghingadlan nga persona ang nagpadulong sa Maayon Municipal Police Station sadtong Nobyembre 14, agud pormal nga magbalik sa sabak sang gobyerno.
Mahibaluan nga anay man ini Chairman sang Kahublagan sang Mangunguma kag mga Mamumugon sa Uma sa Capiz (Kammaca Capiz).
Sa karun, nagpalab-ot naman sang bulig pinansyal ang LGU-Maayon sa pamilya sang nagsungka nga persona para sa ila pang-adlaw-adlaw nga pagpangabuhi.
Samtang, natalana naman ini nga igaturn-over sa court of origin para sa nagakaigo nga disposisyon.
-- ADVERTISEMENT --
