ROXAS CITY, CAPIZ- Ginpakigbahin sang isa ka atleta sang Capiz sa Batang Pinoy 2025 sa General Santos City ang iya mga gin-agyan antes nga nalab-ot kag nakuha ang bulawan nga medalya.
Sa interview sang Bombo Radyo kay Angelica Belandres, Gold Medalist sa 500meters hurdles under 15 category, Grade 9 student sang Vicente Andaya National High School sa Sigma, Capiz, iya ginpahayag nga wala nya ginalauman nga makuha ang amo nga kadalag-an bangud nga suno sa iya, gina-enjoy nya lang ang iya nga paghampang.
Suno kay Belandres, indi madasig kag indi mahapos ang mga paghanas nga iya naagyan sa diin nga amo ang nagtulod sa iya nga mas mangi produktibo sa kada kompetisyon nga ginapasakupan.
Pahayag nya, sa naglapta nga post sa diin ginapahayag nagapangayo sila sang assistance, ginsiling sini nga wala adto sang kamatuuran.
Nahibaluan nga magluwas sa bulawan nga medalya, nakakuha man ini sang silver kag bronze halin sa lain man nga mga kategorya.
Samtang, tuman naman ang iya nga kalipay kag sang iya mga kaupdanan kag coaches sa kadalag-an nga nakuha sa amo nga kompetisyon.
Interviewed by Bombo Sunnie Mae Batencila
