Harvest Season sang diwal sa Barangay Punta Cogon, Roxas City ginkompirmar sang isa ka manug-salom

ROXAS CITY-Ginkompirmar sang isa ka manug-salom sang diwal nga nagasugod na ang harvest season sang Diwal sa Barangay Punta Cogon, Roxas City.

Ginpahayag ni Romer Mohamitano nga tatlo ka beses sa sulod sang isa ka semana ini sila nagapanalom sang diwal kun sa diin pulo ka mga sakayan ang ginapasugtan nga magpanalom.

Suno sa kay Mohamitano nga P170 per kilo ang bakal sa ila sang mga negosyante sang mga diwal.

Samtang ginbuyayag ni Mohamitano nga sang tinalikdan nga mga inadlaw si Mr. Joel Del Rosario, isa ka dako nga negosyante, ang nagabakal sang ila nga ginpangsalom nga diwal.

Apang kapin tatlo na ka semana nga wala na ini nakapamabakal sang nasambit nga diwal.