ROXAS CITY-Ginpahayag sang presidente sang Integrated Bar of the Philippines (IBP) Capiz Chapter nga may yara sang basihan ang reklamo sang tiayon sang isa ka inmate batuk sa anay Administrative Officer kag Provincial Guard sang Capiz Rehabilitation Center ukon CRC.
Matandaan nga ginreklamo sang tiayon mismo sang isa ka inmate nga gindiskartehan ini ni Mr. Adreo Llaver, anay Administrative office sang amo nga pasilidad.
Sa interview sang Bombo Radyo Roxas sa kay IBP-Capiz Chapter President Atty. Remia Fuentes, ginpahayag sini nga ma yara sang basihan ang reklamo sang nasambit nga tiayon batuk kay Llaver.
Apang ginatugyan sini ang desisyon sa mga huwes kun bala may yara sang kamatuoran ang nasambit nga alegasyon.
Suno kay Fuentes nga tatlo ka mga butang ang mahimo diri sang grupo agud mahatagan sang hustisya ang reklamo sang ginang.
Una, mahimo nga pasakaan sang kaso administratibo si Llaver bangud nagapang empleyo ini isa ka pampubliko nga talatapan.
Ikaduha, mahimo nga mangayo ang grupo sang assistance sa Sangguniang Panlalawigan agud sa pagpaidalom sa dugang pa nga imbestigasyon kag ikatatlo ang posibilidad nga mahimo pasakaan sang kaso nga kriminal si Llaver.
Samtang ginpasalig naman si Fuentes nga magabulig ang IBP sa kaso sang nasambit nga ginang.
Matandaan nga ginreklamo si Llaver sang duha ka mga inmates matapos nga ginaalegar ginapang diskartehan sang opisyal ang ila mga tiayon nga nagabisita sa ila sa amo nga pasilidad.
