ROXAS CITY-Dismayado ang 31-anyos nga manugbata nga iloy matapos nga ginpamalibaran sang tatlo ka mga birthing clinic sa siyudad sang Roxas.
Sa interview sang Bombo Radyo kay Liezel Anonoy sang Barangay Culasi sining siyudad nga nagpadulong na sila una sa City Health Office matapos nga nagsakit ang iya tiyan.
Apang, ginkadismaya sini matapos nga wala sila ginpasulod kag ginpahulat pa sila sa guwa matapos nga nahibaluan nga residente sila sang Barangay Culasi kun sa diin may yara sang napagkit nga kaso sang COVID-19.
Suno sa ginang kapin sa 30 minutos sila nga ginpahulat sa guha bangod wala pa sang doktor.
Dugang pa ni Anonoy nga nagsid-ing ini sa bintana kag nakita ang pila ka mga staff nga lunsay nagaistoryahanay.
Bangod sa kasakit sang tiyan, ginpamaayo na lamang sini nga magsaylo sa iban nga clinic center.
Nagpadulong sila sa Well Family Birthing Clinic kag San Ramon Birthing Clinic apang lunsay man ini ginpamalibadan bangod residente sila sang nasambit nga barangay.//
Kasunod sini, ginpakamaayo na lamang sang ginang nga magbun-ag sa ila balay matapos nga lunsay ginpamalibadan ini sang nasambit nga mga klinika
