Mahimo nga magdesisyon ang Senate impeachment court paagi sa simple majority vote kun ibasura ang kaso nga impeachment batok kay Vice President Sara Duterte.
Sa isa ka press conference, ginpahayag ni Senate President kag Impeachment Court Presiding Officer Chiz Escudero nga ang anuman nga motion nga i-file ang dapat desisyunan paagi sa simple majority votes.
Dugang pa ni Escudero, posible man nga mabasura ang kaso nga impeachment batok kay VP Sara base lamang sa answer ad cautelam nga ginsumiter sang kampo ni Duterte.
Ginhatagan man niya sang importansya nga indi para sa iya ang pagkomento sa sabat ad cautelam sang bise presidente.
Ini matapos ginpahayag ni VP nga indi dapat pagpiliton nga sabton ang mga alegasyon ukon kaso nga yara sa verified impeachment complaint matapos nga ini ang ginbalik sa Kamara.
Ginsiling sini nga mahimo man mag-file sang motion ang sin-o man nga miyembro sang Korte agud mapamatud-an nga guilty si Duterte, kag kaangay sang motion to dismiss ang kaso, ipaidalom man ini sa pagboto.
Una na nga ginpanindugan ni Escudero nga wala nadulaan sang hurisdiksyon ang impeachment court apisar nga ginbalik sa Kamara ang impeachment complaint batuk kay Duterte.
Maathag suno sa iya sa motion nga wala ginabasura ukon gina-terminate ang mga reklamo batok kay VP Sara.
Ginpanindugan man sang presidente sang senado nga indi sila maka-issue sang writ of summons kay Kuterte kun wala sila sang hurisdiksyon.
