Isa, patay; isa, nautdan sang tiil sa pagpang-arado sang truck sa duha ka mga motorsiklo

Patay ang isa ka rider samtang ang isa pa ka rider ang nautdan sang duha ka mga tiil matapos ginpang-arado sang dump truck ang ila nga mga motorsiklo sa Sumulong Highway, Antipolo City.

Sandig sa report, ginapahayag nadulaan sang preno ang truck kag may ginlikawan ini nga jeepney, apang wala nakaluwas ang duha ka mga mga motorsiklo.

Pilason man ang angkas sang isa sa mga rider.

Sa subong, yara na sa kustodiya sang mga kapulisan ang driver sang truck, samtang plano sang pamilya sang mga biktima nga pasakaan ini sang kaso.